Уншигч та бүхэнд нууран дээр завиа болгоод загасаа бариад, амьдраад явах  ч болохоор  одоо цагийн ATV/газар сайгүй явагч/, ОХУ-н технологийн авьяастан Алексея Гарагашьяний зохион бүтээсэн ШЕРП-г танилцуулж байна. 

Санкт Петербургт байрлах үйлдвэрлэгч компани нь 2012 онд байгуулагдаад 3 жилийн хугацаанд шилдэг технологийн шийдлүүдийг агуулсан ATV-н анхны загвараа 2015 онд гаргаж, дэлхийд тэргүүлэгч брэнд болгож чаджээ.

     Уг Шерп нь Тундр, Сибирийн тайга, Кола-н уулс, Юуграгийн намаг балчиг, хүний хөл хүрээгүй бартаат газраар явах зориулалттай. Ойн мод дотор хад чулуу, унасан мод, 70см-н өндөртэй саадыг даван гарахаар хийгдсэн. Гол онцлог маш бага даралттай дугуй ба диаметр нь 1,6 метр 4 том дугуй бөгөөд усан дээр цагт 4-6 миль/цаг явдаг гэж үйлдвэрийн хүснэгтэнд заажээ.  Кубота тракторийн Дизель V1505-t хөдөлгүүртэй/4 цилиндр; литраж 1.5; 44.3м/хүч /, 4-н хүний суудалтай, дөрвүүлээ унтаж болдог, 5-н араат механик хурдны хайрцагтай. 

      ATV Шерп нь  2 сонголттойгоор  үйлдвэрлэгддэг байна.  Үндсэн үнэ нь: 60,000-70,000$

1.   Стандарт /пикап-бүхээгтэй, 58литрийн түлшний банк, орчин үеийн салон, моторын дулаан болон шуугиан тусгаарлагч тусгай технологи, SKF гинжин дамжуулгын автомат тосолгооны систем, Галоген гэрэл, г.мэт энгийн хийцтэй/

2. Күн /Хатуу дээвэртэй, өнгөний сонголттой, интериорийг нь намуухан болгож өгсөн. Мөн стандарт сонголтонд багтсан дээрхи технологиуд дээр нэмээд амортизатор, хувирах чадалтай интериор /
 
-      Нэмэлтээр 50литр түлшний банк, генератор, дулаалгын систем,  өөрт нь зориулсан тусгай тоормозны системтэй чиргүүл, лед гэрэл  захиалдаг байна.

Шерпийн онцлог:

-      Патендлагдсан том дугуй

-      Дугуйгаа хийлэх систем

-      Мөсөн дээр мордож гарахад хялбархан

-      Эргэх механизм нь бат бөх, барьцалдаа сайн, салангид дискэн тоормозтой танк шиг жолоодлоготой.

-      Түлшний систем нь ATV-г ямар ч аюултай өнцөг үүсгэж эргэж байсан ч түлшээр тасалдаггүйгээр хийсэн.

-      Маш их багтаамжтай, аюултай газраас аюулгүй газарт тань хүргэж, түүнчлэн 1000кг ачаатай усан дээр явж чаддаг байхнээ.

Шимтэн уншсанд баярлалаа.

Эх сурвалж: www.sherp.ru